Common Prayer in Chamorro
Sign of the Cross
Gi na’an i Tata, yan i Lahi-ña, yan i Espiritu Sånto. Åmen.
The Lord's Prayer
Tatan-måmi ni’ gaige Hao gi langet, u matuna i na’ån-mu, u mamaila’ i gobietno-mu, u mafa’tinas i pinto’-mu, taimanu gi tano’ taiguihi gi langet. Na’i ham på’go nu i kada ha’åni ni’ agon-mami, ya un asi’i ham nu i diben-måmi, taiguihi in asisi’i i dumidibi ham siha, ya cha’mo ham pumopo’lo na in fanbasnak gi tentasion, lao na’fanlibre ham gi tailayi.
Åmen.
Hail Mary
Si Yu’us un gineggue, Maria, bula hao gråsia, si Yu’os gaige giya hågu, matuna hao entre todu i famalao’an, yan matuna i fiñanagu-mu as Jesus. Santa Maria, nanan Yu’os, tayuyute ham n manisao på’go yan i oran finatai-måmi.
Åmen.
Glory Be
U matuna i Tata, yan i Lahi-ña, yan i Espirito Sånto. Taiguihi i tutuhon-na pa’go, yan i manaihinekkok na ha’åni.
Åmen.
The Creed
Manhongge yu’ as Yu’os Tåta ni’ todu ha na’siña, ha na’huyong i langet yan i tano’, yan as Jesu kristo, i guiya ha’ Lahi-na na Saina-ta ni mamapotge pot fina’tinas yan gråsian i Espiritu Sånto, finañågu nu i Bithen as Santa Maria; maså’pet gi papa’ as Ponsio Pilåto, maklåba gi kilu’os, måtai yan mahåfot; tumunok los infietnos; gi mina’tres dias, lå’la’ ta’lo ginen i manmåtai; kahulo’ gi langet ya gaige na matåta’chong gi agapa’ Yu’os Tåta ni’ ni todu ha na’siña; desde ayu u mamaila para u sentensia i manlåla’la’ yan i mamåtai. Manhongge yu’ gi Espiritu Santo; hu hongge i Santa Iglesia Katolika, i kumunion mañiantos, i ma’asi’en isao, i lina’la’ tataotao ta’lo; yan i tai hinekkok na bida, tai guenao mohon.
Åmen.
Hail Holy Queen
Si Yu’os un gineggue Raina yan Nanan Mina’åse’, lina’la’ yan minames ninanggan-mami. Si Yu’os un gineggue, Hågu ina’agang ni’ mandistilådon famagu’on Eba, Hågu in tatangga, manu’ugong yan mañåtnges ham guini gi sagan lågo’. Guse’ nai pues Saina Abogåddan-Måmi, naleklek mågi enao i manyo’ase’ na fanatan-mu, ya despues di este i manmadistiladon-måmi, na’li’e’ ham nu i matunan finañagu-mu as Jesus. Asaina Sen Yo’ase’, Asaina Yini’usan, Asaina mames na siempre Bithen as Maria.
Tayuyute ham Sånta Mamañagun. Yu’os para in miresi kumonsigi i prinimetin Jesu Kristo.
